Sequi për ujërat: Menaxhimi, pjesë e politikave të qeverisë

Publikuar më: 20/03/2012 13:07

Ambasadori i Bashkimit Europian në Tiranë, Ettore Sequi ka kërkuar nga Shqipëria një menaxhim sa më të mirë të ujërave. I pranishëm në nënshkrimin e marrëveshjes për furnizimin me ujë të pijshëm mes Ministrisë së Financave, BE dhe KFW-Zvicër, ambasadori Sequi theksoi se menaxhimi i ujit duhet të vendoset në politikat e qeverisë.  “Këto projekte janë të rëndësishme pasi ekspertiza që jep BE-ja është një mundësi për të trajtuar problemet që ka pasur Shqipëria përsa i përket ujit. Ne kemi besim që Shqipëria do të vazhdojë ta ngrejë më lartë menaxhimin e ujit në politikat e saj. BE është këtu për t`ju ndihmuar pasi është një partner i sinqertë por shkalla e ndihmës do të varet edhe nga shkalla e punës që do të bëni ju. Ne jemi këtu për ju”, është shprehur ai. Sipas ambasadorit Sequi, Bashkimi Europian do të japë 25.5 milionë euro nga taksapaguesit europianë për të ndihmuar autoritetet shqiptare të garantojnë shërbimet thelbësore për qytetarët. Në total i gjithë projekti kushton 48 milionë euro.

Komentet janë të mbyllura

Foto Lajme

Ndalohet riprodhimi i paautorizuar i përmbajtjes së këtij portali © 2013 Gazeta Republika | Designed by Keminet | Log in
Close
Ndiqni Gazeta Republika në Facebook
Informohuni mbi ngjarjet kryesore të ditës duke na ndjekur në Facebook.