Vitaminat që ndihmojnë për t’u zgjatur

Publikuar më: 09/11/2012 11:52

Gjenetika luan rol të veçantë në përcaktimin final të gjatësisë suaj. Vitamina dhe mineralet ndihmojnë rritjen dhe pamjaftueshmëria e disa vitaminave mund të shkaktojë vonesë në zgjatje dhe ndikojë në gjatësinë përfundimtare. Që t’i ndihmosh fëmijës suaj të zgjatet, ata duhet të konsumojnë sasi të mjaftueshme të kalciumit, vitaminës D dhe zinkut.

Kalciumi

Kalciumi është minerali me më bollëk në trupin tonë. Kalciumi nevojitet për tkurrjen e muskujve, sekrecionin (lirimin) e hormoneve, enzimave dhe transmisionin e impulseve nervore. 99 për qind e kalciumit në trup gjendet në eshtra. Eshtrat, vazhdimisht absorbojnë dhe depozitojnë kalcium për t’u forcuar dhe ndërtuar. Fëmijët kanë nevojë për sasi adekuate të kalciumit gjatë zhvillimit të tyre, në mënyrë që të zgjaten. Foshnjat kanë nevojë për 210 deri 270 mg kalcium në ditë, kurse tinejxherët kanë nevojë për 1300 mg kalcium në ditë

Ushqimet e pasura me kalcium janë produktet e qumështit, peshku salmon me eshtra, sardelet me eshtra, lëng i fortifikuar i portokallit, spinaqi, lakra dhe qumështi i sojës.

Vitamina D

Vitamina D është një vitaminë që gjendet në vetëm disa fruta. Por trupi ynë ka aftësi të bëj vitaminën D kur i ekspozohemi diellit. Vitamina D është e nevojshme, sepse ndihmon në absorbimin e kalciumit nga stomaku dhe në mineralizimin e eshtrave. Vitamina D ndihmon fëmijët që të zgjaten.

Një studim i 2009-ës, i publikuar në “The Journal of Clinical Endocrinology and Metabolism”, ka hetuar marrëdhëniet mes statusit të vitaminës D dhe gjatësisë përfundimtare tek vajzat nga mosha 16 deri në 22. Studimi ka treguar se vajzat me nivele të zvogëluara të Vitaminës D, gjithashtu, kishin edhe gjatësi më të vogël. Ushqimet e pasura me vitaminë D janë peshku salmon, kërpudhat, skumbri (mackerel), qumështi fortifikuar dhe lëng portokalli i fortifikuar.

Zink

Zinku është një mineral esencial prezent në disa ushqime. Zinku luan rol në sintezën e ADN-së, sintezën e proteinës dhe ndarjen e qelizave. Gjithashtu, nevojitet për të ndihmuar rritjen normale gjatë shtatzënisë, fëmijërisë dhe adoleshencës. Sasia e pamjaftueshme e zinkut mund të ndikoj në mos rritjen e mjaftueshme. Ushqimet e pasura me zink janë goca e detit, kofshët e pulës, drithërat e fortifikuara, jogurti, bajamet dhe shqemet.

 

 

 

 

Komentet janë të mbyllura

Foto Lajme

Ndalohet riprodhimi i paautorizuar i përmbajtjes së këtij portali © 2013 Gazeta Republika | Designed by Keminet | Log in
Close
Ndiqni Gazeta Republika në Facebook
Informohuni mbi ngjarjet kryesore të ditës duke na ndjekur në Facebook.